Համակարգի կարգավորումներ
Համակարգի կարգավորումներ ենթաբաժնում անհրաժեշտ է ընտրել վճարման եղանակներին, ապրանքների չափման միավորներին և ընդհանուր կարգավորումներին վերաբերող տվյալներ։
Ինչպե՞ս փոփոխել համակարգի կարգավորումներ
Araqich համակարգում՝ ցանկացած պատուհանի վերին աջ անկյունում Դուք կգտենք Ծանուցումներ, Կարգավորումներ կոճակները:
Սեղմեք Կարգավորումներ կոճակը:
Սեղմեք Համակարգի կարգավորումներ կոճակը:
Աստղանիշով դաշտերը լրացնելը պարտադիր է:
Վճարման եղանակներ ենթաբաժնում Արտարժույթ դաշտում ցանկից ընտրեք այն արտարժույթը, որով աշխատում եք։ Այս դաշտը հետագայում փոփոխման ենթակա չէ։
Վճարման եղանակների ցանկից ընտրեք վճարման եղանակները:
Տվյալները պահպանելու համար սեղմեք վերին անկյունում գտնվող Պահպանել կոճակը:
Չափման միավորներ ենթաբաժնում ցանկից ընտրեք այն չափման միավորները, որոնցով չափվում են Ձեր ապրանքները:
Տվյալները պահպանելու համար սեղմեք վերին անկյունում գտնվող Պահպանել կոճակը:
Ընդհանուր կարգավորումները ենթաբաժնում անհրաժեշտ է նշել ստանդարդ մատակարարման օրերի քանակը: Նշված թիվը ավտոմատ կերպով գումարվում է պատվերի գրանցման ամսաթվին և ցույց է տալիս պատվերի մատակարարման ամսաթիվը, որը ենթակա է փոփոխման պատվերը գրանցելու պահին հեռախոսային հավելվածում։
Օգտագործել բաց պատվերներ դաշտում ընտրեք Այո, եթե ցանկանում եք հնարավորություն տալ վաճառքի մենեջերներին գրանցել բաց պատվեր, որը ենթակա է փոփոխման տվյալ մասնաճյուղի բոլոր առաքիչների կողմից։
Ապրանքի գնի փոփոխություն դաշտում ընտրեք Այո կոճակը, եթե ցանկանում եք հնարավորություն տալ վաճառքի մենեջերներին պատվերը գրանցելիս կատարել գնի փոփոխություն:
Նոր գործընկերոջ ավելացում դաշտում ընտրեք Այո կոճակը, եթե ցանկանում եք հնարավորություն տալ վաճառքի մենեջերներին ավելացնել գործընկերներ:
Հարկային հաշվի տեսակ դաշտում ընտրեք հարկային հաշվի այն տեսակը, որով աշխատում եք՝
- Հարկային հաշիվներ
- Հաշվարկային փասթաթղթեր
Եթե աշխատում եք ավելացված արժեքի հարկով, ԱԱՀ% դաշտում նշեք տոկոսաչափը:
Ներբեռնել ընթացիկ պատվերները դաշտում ընտրեք Այո կոճակը, եթե ցանկանում եք, որ պատվերների տվյալները ներբեռնելիս ցանկում ներառված լինեն նաև բաց պատվերները։
Հաշվարկել ապրանքների քանակ (ելք/մուտք) դաշտում ընտրեք Այո կոճակը, եթե ցանկանում եք տեսնել ապրանքների քանակային փոփոխությունների ամբողջ պատմությունը։
Տվյալները պահպանելու համար սեղմեք վերին անկյունում գտնվող Պահպանել կոճակը: